Media Library »

Storacles

separator

Vut leh Vai asuak Khuapite

Vut leh Vai asuak Khuapite
Vut leh Vai asuak Khuapite
Lot in a innkuante tawh Sodom khuapi lam tenna dinga atel mawk pen, khial mahmah hi cihpen Abraham in thei hi. Jordan gunkuam ii khanglam khuapite pen melhoih thei mahmah uha, khuaval thei mahmah iin, kisia mahmah uh hi.” Tu-in Sodom mite migilo hi a, Topa’ tungah nakpitak-a akhialte ahi hi.” Piancil 13:13. Atawpna ah Pasian in tua bang mawhna bawl khuapi pen suksiat dingin khensat hi. Ahih hangin Lot leh a innkuante honkhia dingin Pasian in vantungmite nih sawl masa hi. Hih vantungmi nihte in khuapi sung hong lut ding uh ciangin khualzin mite bangin kibawl uh hi. Lot in amelhoih tua khualzin mi nihte pen khuapi sung hong lut uh amuh ciangin nitak kuan-a khuapi sung lut ding pen khuapi sung mite gilo mahmah uh hi cih thei ahih manin nakpitak-in ama inn ah atung dingin zol hi. Lot in tua bang ahihna teng migilote in vil gige iin thei veve uha, nitaak hong tun ciangin Lot inn kiimum iin, tua lengla nihte amau ut banga abawl dingun kongkhak kiu-in ngak uh hi. Lot pusuak iin tua migilote kiangah hehpihna tawh bangmah hong cihsak kei tapeuh un ci-in athuum hangin, bangmah kimanna neilo hi. Dawilutna mihonpite in lenglate ading bek hilo-in Lot ading zong lauhuai mahmah ta uh hi. Tua tak ciangin vantungmite in zong om thei nawnlo-in hong semta uh hi. Amaute in Lot inn sungah kai tumkik uha, tua migilo honpite avekpi un amit uh tawsak hi. A zingciang zingsang tuung-in vantungmite in Lot leh a innkuante kiangah gena "Na nuntaak nadingun hih pan paikhia un. Na nunglam uh en kei un. Mual na khup masiah tai un, tua hi keileh na kisia ding uh hi.” Piancil 19:17. Tua ciangin "Topa in Sodom leh Gomorrah khuapite tungah kaat leh meikuang guah bangin vantung pan-in zusak ta hi.” Piancil 19:24. Lot zi in khuapi kaang lungngai iin kilehhei ahih manin cikhuam suak a, Lot leh ata nungak nihte bek hong suakta uh hi. Pasian kammal mah in hong genkhol a, ni nunungni ciangin mite in Sodom leh Gomorrah mah bangin thukhenna thuak ding uh hi!


1. Migilote kisuksiat nading bang khuapi nih tawh kigenteh hiam?

1. Migilote kisuksiat nading bang khuapi nih tawh kigenteh hiam?

Peter Nihna 2:6. Pasian in Sodom leh Gomorrah __________ tungah thu khenin mei tawh haltum a, Pasian a umlo mite' thuakna ding limin a bawl hi.


Dawnna:  ____________________

Phawk Ding:   Pasian in tua khuapi nih tawntung meikuang tawh hal hi – hell-a migilote a suksiat nading meikuang mah tawh kibang ahi hi.

2. Migilote banghun ciangin hell meikuang tawh kihal ding hiam?

2. Migilote banghun ciangin hell meikuang tawh kihal ding hiam?

Johan 12:48. Kei hong nialin ka thugen a sanglo mite in thukhen ding khat nei uh hi. Nitawp ni ciangin keima thugente pen amaute' thukhen ding ahi hi. Peter Nihna 2:9. Tua ahih manin Topa in tua bang mihoihte a gimna uh panin suakta sakin, tua bang migilote Thukhen Ni hun dongin gimna pia-in a koihcip theihna ding siamna a nei hi. Matthai 13:40-42. Tahumte kikaikhawmin meikhuk sungah a kikhultum mah bangin leitung bei hun ciangin tua bangmahin kihih ding hi. Mihing Tapa in a vantung mite hong sawl ding a, ama ukna sungah a om migilote leh mi a mawhna dingin a bawl mi khempeuh kaikhawmin __________ sungah tua bang mite lawn ding uh a, tua lai-ah amaute kapin a hagawi ding uh hi.


Dawnna:  ____________________

Phawk Ding:   Laisiangtho in migilote a sih ciangin thukhenna ngah pah ding cilo hi. Leitung bei hun thukhen ni ciangin tua mei sungah kikhia ding ci hi. Tua in tulaitak-in kuamah hell ah omlo hi cihna hi. Thukhen ni iin ama thu a kikhen mateng kuamah in thuak nailo ding hicih pen bek thumaan ahi hi. Mite in Zeisu nih veina hong paikik ciangin a thaman tek uh ngah ding hi (Mangmuhna 22: 12).

3. Asi migilote hell tung nailo uh ahih leh amaute koi ah om uh hiam?

3. Asi migilote hell tung nailo uh ahih leh amaute koi ah om uh hiam?

Johan 5:28, 29. Hih thu ka hong gen ciangin __________ kei un. Han sungah a om misi khempeuh in ama aw za-in, han sung panin a hong paikhiat uh hun hong tung ding hi. A gamtat hoih mite pen a nungta tawntung dingin hong thokik ding uh a, a gamtat siate ahih leh mawhsak thukhenna a thuak dingin hong thokik ding uh hi. Job 21:30, 32. Pasian hehin, mite gim a piak ciangin migilote peng tawntung zawsop hi. 32Migilopa a kivui ciangin a hankhuk kicing a,


Dawnna:  ____________________

Phawk Ding:   Laisiangtho in migilo a sisate leitung bei hun-a thawhkik ni masiah haan ah om hicih hong gen hi. Zeisu’ sapna aw za iin hell meikuang pan hilo-in, haan pan a dawng ding uh hi.

4. Mawhna daan ahih kei leh a thaman in bang hiam?

4. Mawhna daan ahih kei leh a thaman in bang hiam?

Rom Laikhak 6:23. Bang hang hiam cih leh mawhna in thaman hong piak pen sihna hi a, ahi zongin i Topa __________ tawh i kipawl manin Pasian' hong piakkhong pen nuntak tawntungna ahi hi.


Dawnna:  ____________________

Phawk Ding:   Mawhna ii thaman pen hell meikuang ah tawntung nuntaakna hilo-in, a kilehbulh lian – sihna hizaw hi. Ih vek in sihna masa ah ih si ding hi (Hebrews 9:27), ahih hangin Laisiangtho in migilote hell sunga sihna pen sihna nihna hi ci hi (Mangmuhna 21: 8). Sihna masa panin mi khempeuh thaman ngah dingin thokik ding hi; ahih hangin sihna nihna panin thawhkikna cih om nonlo-a a tawpna hi. Hell sungah a tawntung ka’ang ding hileh Zeisu thuakna amawkna hi ding hi.

5. Mihingte teltheih thu nih bek aom te-in bang hiam?

5. Mihingte teltheih thu nih bek aom te-in bang hiam?

Johan 3:16. Pasian in leitung mite hong it __________ ahih manin ama Tapa a um mi khempeuh si nawnloin a hin' tawntung theihna dingun a Tapa neihsun a hong piak dongin a hong itna a hong lak hi.


Dawnna:  ____________________

Phawk Ding:   Misite limbo leh purgatory te ah tawlnga hi cih thuhilhna pen Laisiangtho sungah omlo hi. Laisiangtho in teel ding nam nih bek hong hilh hi—tawntung hinna maw? tawntung sihna? (Thuhilhkikna 30:15).

6. Hell meikuang sungah migilote bang suak ding uh hiam?

6. Hell meikuang sungah migilote bang suak ding uh hiam?

Late 37:10, 20. Ahih hangin tawlkhat sungin migilopa om nawnlo ding a, ama omna mun na lim zon' mahmah hangin tua lai-ah amah na omlo ding hi. 20Ahih hangin __________ kisia hi. Topa' galte pen lono etlawm tawh kibang a, amaute mangthang pak uh hi. Meikhu bangin mangthang uh hi. Malakhi 4:1, 3. Vanglian Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih omloin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi. 3Keimah in na kong sep ni ciangin note in __________ nuaisiahin leivui bangin na tuancil ding uh hi.


Dawnna:  ____________________

Phawk Ding:   Migilote hell sungah kaangtum ding uha, vut leh vai suak khin ding uh hi.

7. Hell meikuang koilai mun ding hiam?

7. Hell meikuang koilai mun ding hiam?

Maangmuhna 20:9. Leitung khempeuhah amaute pai uh a, Pasian' mi siangtho omna mun leh Pasian in a it khuapi umcih uh hi. Ahi __________ vantung panin meikuang hong paisukin amaute a kangtum hi. Peter Nihna 3:10. Ahi __________ theihkholh lohpi-in guta bangin Topa hong paiding Ni hong tung ding hi. Tua Ni ciangin nakpi takin a ging in vantungte maimang sakin, vantung nate mei in kangtumin maimang ding a, leitung leh a tunga om na khempeuh a mangthang ding hi.


Dawnna:  ____________________

Phawk Ding:   Leitungah kihal ding ahih manin, Hell meikuang pen hih leitung ding ahi hi.

8. Hell meikuang pen dawigilote in uk ding uh hiam?

8. Hell meikuang pen dawigilote in uk ding uh hiam?

Maangmuhna 20:10. Amaute a khem Satan pen ganhing leh kamsang __________ a omna mun, kat a kikhulna meiphualpi sungah kilawn a, a sun a zanin tua lai munah amaute in gimna a thuak tawntung ding uh ahi hi.


Dawnna:  ____________________

Phawk Ding:   Uklo! Thamlo-in amauteng kattum nading akibawl ahi hi. Atawpna ah amaute avekpi un hih leitungah vut leh vai suak ding uh hi. Pasian in Satan kiangah gena, “cikmah hun ciangin na piangkik kei dinghi.” Ezekiel 28:18, 19.

9. Atawntung meikuang amit thei diam?

9. Atawntung meikuang amit thei diam?

Isaiah 47:14. En in, amaute pen __________ tawh kibang uh a, mei in amaute kangtum hi. Meikuang' vangliatna panin amau leh amau kihontawm theilo uh hi. Hih pen khua lumna ding mei-am hilo a, awi ding mei zong hilo hi.


Dawnna:  ____________________

Phawk Ding:   Mawhna, mawhneite leh hih leitunga om teng khempeuh a kattum khitciangin meimit ding hi. Atawntunga kuang den mei hilo hi. Mawhna teng halna, hih meikuang pen mit ngeilo hileh, mawhna teng asiangsak zolo meikuang hiding hi. Pasian in mawhna pen omden lo ding susia ma-ang dingin gel hi. Mangmuhna 21:5 “En in, na khempeuh athakin ka bawl hi,” ci hi.

10.  Pumpi leh kha (nuntaakna) hell sungah akangtum diam?

10. Pumpi leh kha (nuntaakna) hell sungah akangtum diam?

Matthai 10:28. Pumpi a thah khit ciangin kha a that __________ na kihta kei un. Hell khuk sungah pumpi leh kha a nihin a susia theipa na kihtazaw un.


Dawnna:  ____________________

Phawk Ding:   Mi tampite in kha sitheilo hi ci-in um uh hi. Ahih hangin Pasian in nih vei gena, “Amawh kha si ding hi”ci hi “The soul that sinneth, it shall die.” (Ezekiel 18:4, 20). Laisiangtho gen mah bangin migilote in a pumpi uh leh a kha uh hell meikuang tawh kangtum ding uh hi.

11. Atawntung meikuang pen kua adinga kibawl hiam?

11. Atawntung meikuang pen kua adinga kibawl hiam?

Matthai 25:41. Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia un la, __________ leh a nungzuite-a' dingin a kibawl meikuang tawntung sungah pai un.


Dawnna:  ____________________

Phawk Ding:   Hell meikuang pen Satan leh dawigilote ading bek a kibawl hi. Mawhna pan ka paikhiat nop keileh, kei zong ka kangtum ding hi. Banghang hiam cihleh mawhna kihaltum keileh mawhna in leitung khempeuh siasak kik ding hi.

12. Pasian in migilote a suksiatna thu Laisiangtho in bangci gen hiam?

12. Pasian in migilote a suksiatna thu Laisiangtho in bangci gen hiam?

Isaiah 28:21. Bang hang hiam cih leh a __________ ama bawlte a bawl ding leh a __________ ama nasep a sem dingin Perazim Mual tungah a sep bangin Topa in hong sem ding a, Gibeon kuama a heh bangin amah hong heh ding hi.


Dawnna:  ____________________

Phawk Ding:   Pasian in a it mihingte asusia nuam hilo hi. “Kisikkik a nuntaakna ih ngah ding hong deih hi.” 2 Peter 3:9. Atawntungin amah in, amaute kiangah,” na gamtatsiatna pan un hong kilehkik un, banghang in si ding nahi uh hiam?” ci den hi (Ezekiel 33:11). Mihingte suksiat ding pen Pasian deihna hihetlo hi. Hell meikuang zong alamdang khat hi. Pasian in mihingte gupkhiat nadingin bangmah selsim neilo hi. Migilote in akisuksiat ma-un, Pasian thumaan mahmah hi, ci ding uh hi (Roman 14:11).

13. Laisiangtho in “amit ngeilo mei” acih ciangin kangtum ngeilo ding acihna hilo hiam?

13. Laisiangtho in “amit ngeilo mei” acih ciangin kangtum ngeilo ding acihna hilo hiam?

Matthai 3:12. Amah in a khutah __________ tawi-in a ante zap a, a taksate khawmin a ansal sungah koih ding a, a ansite ahih leh a mit ngeilo mei sungah a khul ding hi,” ci-in thu a hilh hi.


Dawnna:  ____________________

Phawk Ding:   Hilo hi! Atawntung meikuang pen kisumit theilo hi. Ahih hangin akang ding teng khempeuh akat khitciangin mit ding hi. Gentehna in Jeremiah 17:27 sungah Pasian mite acihtak kei uhleh, Jerusalem amit theilo meikuang tawh kihal ding hi. Laisiangtho in hih genkholhna tangtung khin hi ci hi. Amaute in biakinn haltum uha, Jerusalem kulhpite susia iin kumpi innte mei tawh hal-in Topa in Jeremiah tunga a gen mah bangin tangtung khin hi.” 2 Khangtangthu 36:19, 21. Tua meikuang pen akang ding omlai siah kuamah in sumit zolo uh hi, tua khitciangin mit hi. Laisiangtho in a mit ngeilo meikuang acih hangin, tuni in kuang nawnlo hi.

14. Atawntung meikuang cih pen mit ngeilo ding cihna hiam?

14. Atawntung meikuang cih pen mit ngeilo ding cihna hiam?

Jude 1:7. Sodom khua leh Gomorrah khua leh a kiima om khuapi mite zong tua vantung mite mah bangin gamta uh a, numei tawh mawhnopna bek thamloin pasal leh pasal __________ ciangdong nei uh ahih manin midangte' etteh dingin tawntung meikuang a thuak uh hi.


Dawnna:  ____________________

Phawk Ding:   Laisiangtho leh Laisiangtho mah kidawngsak ni. Sodom leh Gomorah khuapi pen tawntung meikuang tawh hal hi cihpen teltak iin ih thei hi, ahih hangin tu-in kuang nawnlo hi. Amaute vut suak khin uh hi (2 Peter 2:6) tawntung meikuang tawh kihal ahi hi. A thuakna uh pen atawntung hi. ( Behlapna na-en in "Sumhaupa leh Lazarus" thulu ah).

15. Mangmuhna 20:10 sunga migilote kihal nading tawntung meikuang cih pen mit ngeilo ding cihna mah ahi diam?

15. Mangmuhna 20:10 sunga migilote kihal nading tawntung meikuang cih pen mit ngeilo ding cihna mah ahi diam?

Jonah 2:6. Mualte' bul tuipi taw dong ka va paisuk a, kong hong kikhaknelh __________ mun ka tun' hangin tua Leihawmpi sung panin a nungta-in nong lato veve hi, Topa ka Pasian aw.


Dawnna:  ____________________

Phawk Ding:   Hilo! Jonah ngapi gil sungah sun thum leh zan thum om hi (Jonah 1:17) hi napi in amah in “tawntung,”ci hi. Atawntung tawh kibangsa hingel ding cih ka um hi. Greek pau in “atawntung” cih kammal pen Mangmuhna 20:10 sungah “aion,” ci in kigelh a tua pen mikang lai-in “eon” hi. Agennopna ah ciangtan omlo hunsung cihna hi. Atawntung ci-in Laisiangtho sungah 56 vei om a, pawlkhat om nonlo hi. Atawntung cih pen , acitak sila pa nuntaakna (Paikhiatna 21:6) ah gen a, adang atawntung cih kammal pen khangsawnte ci-in (Thuhilhkikna 23:3) ah gen hi. Mite tawh atawngtung cih pen, "a nuntaak sung tawntung" acihnopna ahi hi (1 Samuel 1:22, 28).

16. Mawhna leh mawhneite akisuksiat khitciangin Zeisu in a misiangthote ading bang sem ding hiam?

16. Mawhna leh mawhneite akisuksiat khitciangin Zeisu in a misiangthote ading bang sem ding hiam?

Peter Nihna 3:13. Eite in Pasian' hong ciamsa, thuman bekbek a __________ ding mun van thak leh lei thak a ngak ihi hi. Maangmuhna 21:4. Amaute' mit panin khitui khempeuh nulsak ding hi. Thu luisate maimang khinta ahih manin sihna, dahna, leh na sa-a kahna cihte om nawnlo ding hi,” a ci hi.


Dawnna:  ____________________

Phawk Ding:   Vutlevai asuak khin hih leitungah Pasian in van thak leh lei thak hong bawlsak kik ding hi. Piansak anungta khempeuh adingin, lungdamna, kilemna, lungmuanna, genzawh loh nuamnate kong pia ding hi ci-in hong kamciam hi.

17. Mawhna hong om kik lai ding hiam?

17. Mawhna hong om kik lai ding hiam?

Nahum 1:9. Bang hangin Topa sawm ngam na hi hiam? Amah in nang hong susia ding hi. Amah a su peuhpeuh a dingkikzo om __________ hi.


Dawnna:  ____________________

Phawk Ding:   Omkiklo! Kitel mahmah hi. Mawhna omkik ngei nawnlo ding hi. Isaiah 65:17En un, vantung thak te leh leitung thak te kapiangsak hi, abeisa nate kiciamteh nawnlo, kiphawk kha nawnlo ding hi.

18. Job in akitel mahmah bang dotna dong hiam?

18. Job in akitel mahmah bang dotna dong hiam?

Job 4:17. ‘Pasian' mai-ah mi khatpeuh paubaang loin omzo ngei ding ahi hiam? Amah a Bawlpa' mai-ah __________ loin omzo ngei ding ahi hiam?


Dawnna:  ____________________

Phawk Ding:   Na it mahmah na tapa in mi that den khat hileh daan na pia nuam ding hiam? Pia nuam kha ding hiteh. Tua bang ahih leh amah pen ahingtang iin meikuang tawh ni khat sung bek kihal ding na ut diam? Ki-utlo ding hi. Tua bang mahin Pasian in atate meikuang-a kang amu nuam hi hetlo hi. Tua pen siatna galpi teng khempeuh sangin asia huai zaw mahmah ahi hi. Pasian deihdan hi hetlo hi. Atawntung meikuang leh kaat te in Pasian zia ahi itna leh thumaanna te tawh kilehbulh mahmah ahi hi.

19. Thudangte tawh teh theih loh, Topa Zeisu in hong bawlsaksa gam nuam ah om dingin nang leh kei hong ngak hi. Ama hong sapna bangin mang dingin na khensat nai hiam?

19. Thudangte tawh teh theih loh, Topa Zeisu in hong bawlsaksa gam nuam ah om dingin nang leh kei hong ngak hi. Ama hong sapna bangin mang dingin na khensat nai hiam?



Dawnna:  ____________________


Supplemental Study

Sumhaupa leh Lazarus
Mi tampite in Sumhaupa leh Lazarus ta-angthu panin mi khat asih ciangin vantung ahih keileh hell sung tung pahpah hicih upna nei uh hi. Hih ta-angthu pen Zeisu in tua bang dinga hong gen hilo hi. Zeisu in hihlai ah “Hell”azat kammal pen “Hades,” hi a, Greekte upna ah taanglai pasian (dawite) thusinna ahi hi. Hih kammal aza Judah mite khempeuh in, thu teltheih nadinga azat hi ci-in thei uh hi Luke 16:19-31, limtak iin sim lehang, ataktak hi hetlo iin thugentehna ahih bek lam teltak iin kimu thei hi.

Gentehna iin, Gupna ngah khempeuh Abraham ang atung pah hiam? Tung pahlo. Vantunga om misiangte leh hell sunga om te akiho thei diam? Ho theilo. Hell sunga om mi khat tui taak khat tawh adang ano zo diam? Notuam lo ding. Gupna ngah ding leh ngah lo ding Abraham khensat ding hiam? Hilo. Tua bang mahin, mi asih ciangin thakhat-in vantung kahpah, ahih keileh hell sung lutpah cih thuhilhna dik hetlo hi. John 12:48 sungah, "Hih ka genthute khempeuh, ni nunungni ciangin thukhenna athuak ding hi."

Tua bang ahih leh hih thugentehna ii khiatna bang hiding hiam? Sumhaupa in Judah mite ahi hi, Laisiangtho sim iin thungen uha, ahih hangin Gentile te in kongkhak ah dingin khutdawh ngen uha amaute in Pasian thu gilkial mahmah uh hi. Zeisu in thugentehna bangci khup hiam cihleh, "Moses leh kamsangte thu aman nop kei uh leh, misi khat a thawhkik hangin a um tuan kei ding uh hi," ci hi (Luke 16:31). Tua bang lian mahin anung ciangin Zeisu in Lazarus thosak a, ahih hangin kuamah in a um tuan kei uh hi (John 12:9-11).

Free Bible School

Bible School
Enroll in our Free Online Bible School Today!
Start your first lesson now!


Christian Hymns



Freebie!

Ultimate Resource
Request your free book, Ultimate Resource, today and learn how to study the Bible
Get It Now!


Back To Top