Media Library »

Storacles

separator

A Langpang Kumpipatapa

A Langpang Kumpipatapa
A Langpang Kumpipatapa
David tate lakah Absalom in amel hoih pen, angiansiam pen, ahuaiham pen hi. Laisiangtho sungah, “Isreal mi khempeuh lakah Absolom banga melhoih, alu pan a kheme dong paubanna neilo alutunga kumpi lukhu tawh akilawm mahmah midang khat beek omlo hi,”ci-in gen hi. 2 Samuel 14:25. Ahih hangin amah in, tua mite pahtaakna bek tawh lungkim deklo-in a pa kumpi tokhom suaan nuam hi. Banglam banglam tawh ahi zongin Isreal mi khempeuhte kumpi ding ut hi. A masa penin a upa Amnon, anau nu Tamar tunga, agamtat siatna hangin that hi. Amnon pen David ta-upa hi a, kumpi gamh aluah ding pa ahi hi. A pa maipha ngah-a innlam hong ciahkik khitciangin, a pa David gam ukzia sangin ahoihzaw thukhunte, thukhennate, anei thei ding bangin "Isreal mite khempeuh lungsim lakhin dingin khaici hong vawh hi.” 2 Samuel 15:6 A tawpna ciangin amulkim huai mahmah langdona lianpi tawh apianna a pa that ding leh a kumpi gam suh dingin hong kipanta hi. Kumpipa David leh anungzuite khempeuh in Jerusalem nusia-in hong taikhiata uh hi. Ahih hangin tuazawh asawtlo kidona ni tawmno sungin, David in lungmuan huai takin a kumpi tokhom hong ngah kik hi. A melhoih mahmah Kumpipatapa Absalom hong kithat ta hi. Adahhuai ta-angthu ahi hi. Ahih hangin hih thu pen innkuan khat sunga kidona thupiang masa hilo hi. Sawtpi laipekin, adang kumpi gam khat zong hih bang mahin cikmah hun-a mangngilh loh dingin langdona piang ngei hi. Tua kumpi gam pen Vantung gam kici hi!


1. Vantungah a langpang kumpipatapa kua hi a, bang hangin langdo hiam?

1. Vantungah a langpang kumpipatapa kua hi a, bang hangin langdo hiam?

Isaiah 14:12. Nang Khuavak' ta, __________, Babylon kumpipa aw, vantung panin nang bangci kiat na hi hiam? Minamte a niam koihpa ahi nangmah leilak dongah hong bangci kiphukpai ahi hiam? Isaiah 14:13, 14. Nang in na lungsim sungah, ‘Vantungah ka kahto ding hi. A sangna mun, Pasian' aksite' tung pekah ka kumpi tokhom ka koih ding a, leilu lam peka kikhopna mualtungah ka tu ding hi. Meiite' tung pekah ka kahto ding a, Sang Penpa bangin ka kibawl ding hi,’ na ci hi. Ezekiel 28:17. Na melhoihna na kisaktheihpih kha a, na minthan'na in nang hong haitatsak hi. Leilak ka hong den'na a, kumpi dangte hilhkholhna-in nang ka hong koih hi.


Dawnna:  ____________________

Phawk Ding:   Pasian bawlsate khempeuh lakah, Lucifer pen ahoih pen leh avanglian penpen ahi hi. Vantungmite lakah alian pen hi a, choir makai zong ahi hi. Ahih hangin amel hoihna kisaktheihpih hi. (Hilhcianna ah thulu, "Satan pen Tyre leh Babylon Kumpite tawh Kigenteh" na en in.)

2. Pasian in Lucifer a bawlin dawi-a bawl hiam?

2. Pasian in Lucifer a bawlin dawi-a bawl hiam?

Ezekiel 28:15. Gamtatsiat ding na kipat ma hun __________, na suah tunga kipanin na gamtatna khempeuh paubaan'na khat beek omlo hi.


Dawnna:  ____________________

Phawk Ding:   Pasian in Lucifer agenba-ang lo-in bawl a, ahi zongin ama deih teelna tawh dawi suak hi. Hih thu pen ngaihsut hak mahmah hi, Lucifer pen hong khialh ma-in thei hileng, ei zong it ding hi hang. Bangtan sauvei li-ian hiam cihbel ih thei kei hi, ahih hangin kiphatsakna leh kiliatsakna lungsim aneih ma-in, Lucifer in lungdam takin Pasian' nasem hingei hi. Pasian in mihingte setvan(robot) bangin hong bawl thei lua hi, ahih hangin setvante in itna nei theilo uh hi. Itna maan in a-haksa zong thuak nuam ding hi. Tua manin nu leh pa in khat vei ciangin tate in thu manglo thei ding cih thei napi-in ta nei nuam veve uhi. Lucifer ii langdo ding Pasian in aphalna a hang thu tampi om hi.

Khatna ah, Pasian in abawlsate khempeuhte’ tungah deih teltheihna pia hi. Anihna ah, Pasian in Lucifer akhialh phet-in susia maima-ang pah hileh, mawhna bawllo leitung dang aomte leh vantungmite in zong telsiam lo ding uh hi. Lucifer zong maan kha ding hi, ci thei uh hi. Tua man mahin Lucifer in amulkim huai mawhna ii siatna hong lah ding kiphal hi. Atawpna ah, mite in Pasian thu ih mankei leh Pasian in daan hong pia ding hi cih launa bek tawh Pasian thu man ding deihlo hi. Itna masuan-a Amah ih it ding Pasian in deih hi.

3. Atawpna ah bang piang hiam?

3. Atawpna ah bang piang hiam?

Maangmuhna 12:7. Tu-in vantungah __________ hong om a, Mikhael leh a vantung mite in gulpi leh a vantung mite a do uh hi.


Dawnna:  ____________________

Phawk Ding:   Atawpkhakna ah, Lucifer leh amah apawl vantungmite khempeuh vantung panin kihawlkhiata hi.

4. Dawimangpa sawlna nuai ah bang hong piang hiam?

4. Dawimangpa sawlna nuai ah bang hong piang hiam?

Maangmuhna 12:9. Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khempa pen a __________ mite tawh leitungah kilawnsuk hi. Maangmuhna 12:4. A mei tawh vanah a om aksi sehsawmsuah sehkhat vatkhia-in leilak a den'na hi. A nau a suah phetin a ne pah dingin nausuak dingin a kithawi tua numei' mai-ah a ding hi.


Dawnna:  ____________________

Phawk Ding:   Satan pen khemhat mahmah a, Pasian alangdo pih dingin vantungmite sehthum suah sehkhat khemzo hi. Tua “dawi” leh “khagilo” ih cihte khempeuh in Satan ngimna bangin hong semta uh hi. Ih ta-angthu sungah Absalom in Satan sep bangin akihhuai na hong sem hi. Absalom in ama deih banga gamta dingin a nasemte sawl hi.

2 Samuel 13:28 Tua ciangin Absalom in a nasemte thupia a, Amnon lungsim leenggahzu tawh alungnop ciangin ciamteh unla, note kiangah, Amnon sat un kong cih ciangin amah that un lau kei un; Note thu hong pia khin hilo ka hi hiam? aci hi.

2 Samuel 14:30 Tua ciangin amah in a nasemte kiangah, En un, Joab loo in kei a tawh kinai a ... pai unla mei tawh hal un, aci hi.

5. Satan in bang galhiamte zang hiam?

5. Satan in bang galhiamte zang hiam?

A. Mangmuhna 12:9. Tua ciangin tua tanglai gulpi, Dawimangpa ahih kei leh Satan a kici, leitung mi __________ a khempa pen a vantung mite tawh leitungah kilawnsuk hi. B. Marka 1:13. Gamlakah ni sawmli sung om a, Satan in tua hun sungteng a ze-et hi. Tua lai-ah gamsa gilote zong om a, ahi zongin vantung mite hong pai-in amah huhin an a vak uh hi. C. Mangmuhna 16:14. Tuate pen dawite' kha hi a, na lamdang a bawl uh hi. A Vanglian Pasian' Ni hong tun' ciangin gal a do dingin leitung gam __________ah a om kumpite a kaikhawm dingin a kuankhia uh hi. D. Mangmuhna 12:10. Tua ciangin vantungah nakpi takin awging khat ka za a, “Tu-in Pasian in hong honkhia khinta a, kumpi vangliatna a neihna hong lakkhia khinta a, ama Khrih in aana a neihna thu lakkhia khinta hi. Bang hang hiam cih leh a sun a zanin eite' Pasian' mai-ah dingin i sanggamte mawhsakna a gen tawntungpa, tu-in vantung panin kilawnkhia khinta hi. E. Johan 8:44. Note pen na pa uh Dawimangpa' tate na hi uh a, na pa uh deihna bangin a gamta nuam na hi uh hi. A kipata kipanin na pa uh mi that hi a, thuman gen ngeilo ahih manin thuman tawh kipawl theilo hi. Amah pen zuauna __________ a pian'na a zuaugenpa ahih manin zuau a gen ciangin ama ngeina hi lel hi.


Dawnna:  ____________________

Phawk Ding:   Hih sia leh pha kidona ah Satan in Pasian sangin hunpha nei zaw ding tawh kibang hi. Ahangin Pasian in thumaan bek tawh nasem thei-in Satan in ahih leh thumaan leh thukhial zangthei khawm ahih man ahi hi. (Hilhcianna ah thulu, "Lamet loh Lampang" cih na en in).

6. Banghun in Dawimangpa lauhuai pen hiam?

6. Banghun in Dawimangpa lauhuai pen hiam?

Korin Nihna 11:14, 15. Tua pen lamdang sak ding hilo hi. Satan nangawn Pasian' vantung mi tawh a kibangin kibawltawm thei hi. Tua ahih manin Satan' sawltakte pen thuman nasem bangin a kibawl manin lamdang sak ding hilo hi. Hun bei ni ciangin amau __________ bangun thuak ngawn ding uh hi.


Dawnna:  ____________________

Phawk Ding:   Dawimangpa sep bang lian-in Absalom in a mite lungsim azawh nadingin a-it leh adeihsak mahmah bangin kibawl thei hi. 2 Samuel 15:5, 6 "Mi khatpeuh in ama lam manawh in a mai-ah a kunsuk leh Absalom in a khutin zama, amah lenin a nam hi. Absalom in kumpipa tunga thutang dong dinga pai Israel-te khempeuh tungah hici bangin bawla, hih bangin Israel mite lungsim a gukhia hi."

Satan in biakinn sungah panmun hong la-in, thu-um mi banga hong kibawl hun ciangin a lauhuai penpen hun ahi hi. (Hilhcianna ah thulu, “Ataang Vantungmi” cih na en in)

7. Satan in Laisiangtho a thei hiam?

7. Satan in Laisiangtho a thei hiam?

Matthai 4:5, 6. Tua ciangin Dawimangpa in gamlak panin Jerusalem khua-ah Jesuh paipih a, biakinn khumzang a sangpen munah a __________ khit ciangin, “Pasian' Tapa taktak na hih leh Lai Siangtho sungah, ‘Pasian in nang a hong kem dingin a vantung mite hong sawl ding hi. Na khete leh suang a kitahkhak lohna dingin vantung mite in a khut uh tawh nang hong dom ding hi,’ ci-in kigelh ahih manin, hih lai panin tuaksuk in,” a ci hi.


Dawnna:  ____________________

Phawk Ding:   Satan in mihingte akhem nadingin Laisiangtho amaan-a siksan dan leh amaan lo lam-a siksan dan siam mahmah hi. Tua ahih manin Pasian mite in khemna pan suahtaak nadingin Laisiangtho theih mahmah ding kisam hi.

8. Leitungah dawi muhdah pen te kuate hiam?

8. Leitungah dawi muhdah pen te kuate hiam?

Mangmuhna 12:17. Tua ciangin tua __________ tungah gulpi heh mahmah a, tua __________' suanlekhak dangte ahi, Pasian' thupiakna zui-in, Jesuh thu-ah kiptakin a om mite a sim dingin kuankhia a


Dawnna:  ____________________

9. Laisiangtho in a lauhuai bang ganhing lim nih tawh Satan genteh hiam?

9. Laisiangtho in a lauhuai bang ganhing lim nih tawh Satan genteh hiam?

Peter Masa 5:8. Note pilvangin khua phawk un. Na gal uh ahi Dawimangpa, __________ bangin a nektheih ding zongin vak kawikawi hi. Mangmuhna 12:9. Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khempa pen a vantung mite tawh leitungah kilawnsuk hi.


Dawnna:  ____________________

Phawk Ding:   Hehpihna neilo dawimangpa mah bangin humpi leh gulpi te in ganhing dangte aneek nop uh ciangin ngimngim-in kitheihmawh bawl uha pangsim-in mancip uh hi.

10. Satan ih nanzawh nading khatbek aom lampi in bang hiam?

10. Satan ih nanzawh nading khatbek aom lampi in bang hiam?

James 4:7, 8. Tua ahih manin Pasian' thu na mang un. Dawimangpa na nial un. Nial le uh cin no kiang panin taikhia ding hi. Pasian kiang nai un. Amah in zong hong nai ding hi. Mawhneite in na khut uh __________ un la, a kineihkhemte in na lungsim uh siangsak un.


Dawnna:  ____________________

Phawk Ding:   Pasian kiang zuat nading ahoih pen lampite in Laisiangtho tungtawnin Pasian theih nading zonna leh thu ngetnate ahi hi.

11. Dawimangpa donate Zeisu in bangci nan hiam?

11. Dawimangpa donate Zeisu in bangci nan hiam?

Matthai 4:10. Jesuh in, “Satan aw, taikhia in. Lai Siangtho in, ‘Na Topa Pasian bek bia in la, ama na bek sem in,’ ci hilo ahi hiam?” ci-in a dawng hi. Efesa 6:17. Siklukhu khuk __________ hotkhiatna nei un la, Kha Siangtho in a hong piak Pasian' thu pen namsau zat __________ na zang un. Hebru 4:12. Pasian' thu nungta-in a gamtang hi a, langnih a hiam namsau sangin hiamzaw lai hi. Kha leh lungsim, guh leh taang kituahna, guh leh guhngek dongin khenkhia thei hi. Mihingte' lungsim ngimna leh a ngaihsutnate zong theithei hi.


Dawnna:  ____________________

Phawk Ding:   A pilvang Satan hong kheem zawh lohna dingin Pasian Kammal Laisiangtho ih lungsim sungah khol ding ahi hi. Dawite do nadingin Zeisu zat galhiamte eite zong ih kisam a, tuni-in zong ih ngah thei hi.

Late 119:11 Nang tungah kong khialhloh nadingin kalungsim sungah nangma thu ka khol hi .

Ephesians 6:11 Dawimangpa kheemna na nan zawh nadingun Pasian galhiam khempeuh silh un.

12. Atawptawpna ah Absalom bangin Satan bang asuak diam?

12. Atawptawpna ah Absalom bangin Satan bang asuak diam?

Samuel Nihna 18:17. Tua ciangin amaute in Absalom la-in tulaka __________ lianpi khat sungah amah paai uh a, ama tungah suangcian a lian mahmah khat ciang uh hi. Tua ciangin Israel-te khempeuh amau' inn ciatah tai uh hi. Isaiah 14:15. Ahih hangin nang pen Leinuai thuk penna Leihawm sungah hong kikoih suk ding hi.


Dawnna:  ____________________

13. Pasian' mite khem dingin Satan hong dawk lai ding hiam?

13. Pasian' mite khem dingin Satan hong dawk lai ding hiam?

Ezekiel 28:19. Tu-in nang a __________ paisuak na hita a, nangma tuah bang a tuahkhak ding uh nang hong theisa minam khempeuhte lau-in a ling uh hi,” a hong ci hi. Nahum 1:9. Bang hangin Topa sawm ngam na hi hiam? Amah in nang hong susia ding hi. Amah a su peuhpeuh a dingkikzo om ngeilo hi.


Dawnna:  ____________________

14. Migilote a kisiat ciangun Pasian in bangcisa hiam?

14. Migilote a kisiat ciangun Pasian in bangcisa hiam?

Ezekiel 33:11. Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna __________ a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?


Dawnna:  ____________________

15. A Langpang a tapa Absalom sih David in azak ciangin bangci om hiam?

15. A Langpang a tapa Absalom sih David in azak ciangin bangci om hiam?

Samuel Nihna 18:33. Tua ciangin kumpipa' lungsim __________ takin sukha a, kulhkongpi tunga inndei sungah paito-in a kap hi. A paikawmin amah in, “Aw ka tapa Absalom, ka tapa, ka tapa Absalom! Nangma tangin kei sizaw taleng. Aw Absalom, ka tapa, ka tapa!” a ci hi.


Dawnna:  ____________________

16. Tu-in Pasian it-a Ama na sem dingin na khensat ding hiam?

16. Tu-in Pasian it-a Ama na sem dingin na khensat ding hiam?

Hih ta-angthu ih sinna in, Pasian in mihingte bangzah takin hong it hiam cih hong telsak hi. Eite ta'ang dingin hong si nuam bek hilo-in, tuasang alian zaw hong piaktheih alian pen ahi atapa Zeisu hong pia hi! Pasian in mihingte khat nangawn a kisiat ding deihlo hi. Gupna ngah ding hong deihzaw hi. Tua teng hangin Zeisu nang ta'angin hong si hi. Leitung mi tampi tak in Satan tawh kipawl-in vantung Pasian langdo uh hi.


Dawnna:  ____________________


Hilhcianna

Hih anuai-a te in na telzawk nadingin hong huh ding hi.

Satan pen Tyre leh Babylon Kumpite tawh Kigenteh
Isaiah 14:4-15 sungah Satan pen Babylon kumpipa tawh genteh a, Ezekiel 28:11-19 sungah Satan pen Tyre kumpipa tawh na genteh hi. Hih tegel in agennop pen leitung kumpite acihnopna hihetlo beklo hi, bang hang cihleh Pasian in hong genna ah mihingte tungah kibulh thei ngiatlo lai hi. Ensuk lai leng, Lucifer (tun Satan akici) pen Laisiangtho sungah hih bangin hong laksuk hi.

• vantung pan hong kiasuk hi. (Isaiah 14:12)
• melhoihna leh pilna khempeuh tawh kidim (Ezekiel 28:12)
• Eden huan sungah teeng ngei (aneu 13)
• suang manpha khempeuh ama kizepna (aneu 13)
• sathau kinilh cherub te in ciing (aneu 14)
• Pasian mualsiangtho tungah na teenga (aneu 14)
• genbanna khat beek na nei kei hi (aneu 15)

Babylon leh Tyre kumpite nih in aliatna uh leh athuak siatnate uh kibang uha anih tuak un kisia khawm uh hi. Pasian in Satan asuksiat nading dan ih tel nadingin hih khuapi nihte min Satan min ta'angin na zang hi. Laisiangtho sungah limciinna vive tawh kidim hi. Laisiangtho sungah Lucifer a cihnopna munte (enleng Luke 4:5, 6; 10:18; John 8:44; 2 Peter 2:4; 1 John 3:8; Juda 6; Mangmuhna 12:7-9), Ahih hang Ezekiel 28 leh Isaiah 14 tello-in ih theisiam ngei kei ding hi.

Lamet loh Lampang
Mi tampite in ni nunungni ciangin Satan pen Pasian galpa bangin hong kilangkhia ding hi, ci-in lamen uh hi. Hong hi hetlo ding hi. Satan pen Pasian gal lian pen himah hi, ahih hangin midik bangin hong kilangh zaw ding hi. (Matthew 24:24). A taang vantungmite bangin hong kilangh ding hi (2 Corinthians 11:13-15). Mihingte biak ding hong ut ding hi (Mangmuhna 13:12). Laisiangtho in hong gena leitungmite khempeuh in lamdang sa-in amah thuneihna apia gulpi abia uh hi (Mangmuhna 13:3). Satan pen Christ bangin hong kibawl dinga leitungmi khempeuh in zui ding uh hi. Zeisu takpi mah sa-in anung zui ding uh hi. Nang ee leh na theitel mah diam? Hih lai sunga thute na theih kei leh hong kikhemna zong na thei kei ding hi.

Ataang Vantungmi
Mihingte in Satan limsuai in kii neisak, mit kitu-ungkhiitsak, baakkha neisak, mei neisak, teipi kaa thum neite tawisak, a kheme bawng kheme banga kaasak, alu lam mi, akhe lam ganhing, cih banga asuaih uh ciangin Satan a nuam mahmah hi. Zuau pen thumaan thutak tawh kilamdang lua hetlo hi. Hih bang ngaihsutnate pen Greek mipilte tung panin hong piang hi. Laisiangtho sungah tua bangin gen ngei hetlo hi. Laisiangtho in Satan pen melhoih mahmah iin pil mahmah a, aman zong Laisiangtho theitel mahmah hi, ci hi (Matthew 4:5, 6).

Amah pen angsung khual mahmah Pasian gal lian khat hi a, Pasian ading akhual mahmah banga kigen khat ahi hi. Nang leh na it na lawmte khempeuh zong hong susia nuam den khat ahi hi. Hih lesson in Satan ngimna leh hong suksiatna dingte panin hong dal ding hi. Hong it Zeisu kiangah ki-ap a, nakpi takin Topa Zeisu kiangah thungen-in hong dal nadingin huhna ih nget ding ahi hi.

Free Bible School

Bible School
Enroll in our Free Online Bible School Today!
Start your first lesson now!


Bible Search



Christian Hymns



Freebie!

Ultimate Resource
Request your free book, Ultimate Resource, today and learn how to study the Bible
Get It Now!


Back To Top